Talentu Gazteak ekitaldia esperientzia paregabea izan da IDarten, espezialitate guztietako ikasleek urtean zehar egindako proiektuak partekatu baitituzte. Topagune horretan, ikasleek zein irakasleek espezialitate ezberdinetan ikasturte honetan izan dituzten erronkak ezagutu ahal izan ditugu.
Jardunaldian, ikasleek beren lanak aurkeztu zituzten, beren sortze-prozesuak, metodologiak eta ikasitakoak azalduz. Talentu Gazteak talentuaren eta ahaleginaren erakusleiho izan da, diseinu-proposamen berritzaileetatik hasi eta hainbat diziplinatako adierazpen artistikoetaraino.
Hauek izan ziren aurkeztu ziren proiektuak:
Zaramaga Proiektua: Suge Bideak
- Barne Diseinua eta Diseinu Grafikoa 1.maila
Zaramagako San Frantzisko Eliza: Oroimen Proiektua
- Barne Diseinua 3.maila
Fanzine aurkezpenak
- Ilustrazioa 2.maila
KuBO23 Animazio Proiektuaren Prozezua
- Animazioa 2.maila
Jose Uruñuela Dantza Eskola eta Zamak Garama proiektuak
- Argazkilaritza 2.maila
Argazki Historiko baten berrinterpretazioa
- Argazkilaritza 1.maila
Seinaletika, Tipografia Digitala eta Programazio proiektuak
- Diseinu Grafikoa 3.maila
Gainera, azoka txiki bat antolatu zuten ikasleek ostiralean eta larunbatean, eta bertan beraien obrak erakutsi eta saldu zituzten. Ekimen horri esker, haien sorkuntzak ezagutzera emateaz gain, publikoarekin elkarreragiteko eta bere piezen merkaturatze-prozesua esperimentatzeko aukera ere eman zuen.
Eskolan uste dugu garrantzitsua dela ikaskuntzarako espazio hauek sortzea, gure ikasleen sormena, lankidetza eta proiekzio profesionala sustatzen baidute.
