Barne Diseinuko 4. mailako ikasleek Proiektuak II ikasgaian landutako ‘Sei zentzu(men)’ lana dago erakusgai Amarica gelan, “Gerra eta denbora: decrecimiento” deritzon erakusketan. Gela horretan bertan, martxoaren 12an, ikasleek bere proposamenen aurkezpena eskaini zuten.
Martxoaren 12an, ikasleek euren proposamenen aurkezpen publikoa egin zuten areto berean, denbora mugatuan, erronka bakoitzerako bi ordu, burututako ariketa kontzeptual eta bizkorren emaitzak partekatuz.
“Bekatuak eta bertuteak” oinarri hartuta sortutako hezkuntza-ekitaldiaren diseinua
Gerra piztu zenean, beste proposamen bat egin genuen.
Nola kontzientziatu erakusketa baten bisitari hipotetikoak gatazka beliko hurbil edo ez hain hurbil batean, adibidez, Ukrainako gerran, benetan duten parte-hartzeaz?
Zein neurritan gara denok partaide botereen arteko liskarretan, modu batean edo bestean, haiekin bat eginez?
Gerrari buruzko kontzientzia hartzeko ekitaldia. Bertaratutakoek gerraren aurrean duten iritzia idazten dute. Beren iritziak txintxetekin panel baten gainean iltzatzean, txintxetak beste aldera pasatzen dira eta gerrako biktimen irudiak zulatzen dituzte eta aldi berean odol orbanak sortzen. Ekintza horren bidez, gure iritzien hutsalkeriaz eta azalkeriaz jabetzen gara, nekez onar eta imajina dezakegun gerra bezalako gertakari baten aurrean.
Gerrari buruzko kontzientzia hartzeko ekitaldia. Gela batean gerra baten berezko egoerak gertatzen dira. Alboko gelan hormak ilunak eta opakuak dira. Teknologiaren bidez, bisitariek sortzen dituzten itzalek hormak garden bihurtzen dituzte. Horrela, bertaratutakoen itzalek ikusi nahi ez duten/dugun errealitatearen gordintasuna garden bihurtzen dute.
Gerrari buruzko kontzientzia pizten duen ekitaldia. Bertaratuek bi zuloetatik begiratzen dute. Ispilu batean beren begiak eta begirada islatuta ikusten dituzte, gerratik hurbil dagoen pertsonaia eta egoera baten parte direla; egoera nahiko idealizatua da. Hurrengo panelean ispiluak gerraren benetako ondorioetan kokatzen du gure begirada.
Pertsona bat AAri buruz kontzientzia hartzeko diseinatuta dagoen ekintza batera doa, eta pertsona hori konturatzen da bera dela, hain zuzen ere, ekintza horren edukiaren protagonista; izan ere, inoiz parte hartu ez duen bideo batean bere burua ikusten du. Bideo horretan agertzen den irudia pertsona horren beraren klon bat da.
