IDarteko (Euskadiko Goi Mailako Arte eta Diseinu Eskola Publikoa) Argazkigintza goi-mailako zikloko bigarren mailako ikasleek proiektu artistiko eta formatibo bat garatu dute Mendizabala LHIIko Ile-apainketako Estilismoa eta Zuzendaritza goi-mailako zikloko eta Estetika eta Edergintza erdi-mailako zikloko bigarren mailako ikasleekin elkarlanean.
Proiektuaren helburua Mendizabalako ikasleek egindako ile-apainketa eta karakterizazio lanak dokumentatzea eta balioan jartzea izan da, argazki-saio profesional baten bidez. Horretarako, bi ikastetxeetako ikasleek elkarlanean jardun dute sormen eta ekoizpen prozesuaren fase guztietan.
Ekimenak bi lan egun nagusi izan ditu. Lehenengoan, IDarteko argazkigintzako ikasleak Mendizabalara joan ziren, lehenengo proba egunean ile-apainketa eta makillaje prozesua dokumentatzeko, argazkiak eta bideo grabazioak eginez. Bigarren jardunaldia IDarteko platoetan egin zen; bertan, Mendizabalako ikasleek prestatutako sei modelorekin argazki saio profesionala burutu zen.
Saioan zehar, ikasleek estudioan egindako erretratu mota desberdinak landu zituzten, argiztapena eta irudiaren alderdi tekniko zein estetikoak landuz. Ondoren, argazkien hautaketa eta edizioa egin zuten azken materiala prestatzeko.
“Proiektu honek aukera ematen die ikasleei enkargu profesional baten dinamika erreala bizitzeko, beste diziplina batzuetako ikasleekin elkarlanean arituz eta sormen prozesu osoa kudeatuz”, azaldu du proiektuaren koordinatzaileetako irakasleetako batek.
Mendizabalako irakasleen arabera, argazkigintzako ikasleen begirada artistikoak aukera eman du ile-apainketa eta makillaje lanak modu sortzaile eta profesionalean erakusteko, haien xehetasunak eta dimentsio estetikoa nabarmenduz.
Proiektuan parte hartu duten ikasleak hauek izan dira: Jone Carbajosa (Argazkigintza), Lucía Flores (Argazkigintza), Ane Machicote (Argazkigintza), Garoa Zubikarai (Argazkigintza), Aintzane Cabezas (Ile-apainketa), Leire García (Ile-apainketa), Ana Belén Guerrero (Ile-apainketa), Giuliana Nahir Gutierrez (Ile-apainketa), Iradi Serrano (Ile-apainketa), Isabela Thomas (Ile-apainketa), Luzia Angulo (Estetika), Ainize Arrondo
(Estetika), Eylin Ciprian (Estetika), Keira Fuentes (Estetika), Maider Jimenez (Estetika), Aiara Martinez de Santos (Estetika), Nerea Mateo (Estetika), Marta Otero (Estetika), Angela
Oyaga (Estetika), Nerea Quincoces (Estetika), Andrea Santiago (Estetika), Leire Valdecantos (Estetika) eta Lucia Valladolid (Estetika). Bestalde, IDarteko Animazio goi-mailako zikloko ikasleek, Estefania Quilchano eta Sofia Velascok, IDarten egindako argazki saioaren prozesua grabatu zuten, proiektuaren garapena jasotzen duen making of estiloko bideo bat sortzeko:
Proiektua IDarteko irakasle Amaia Garate, David Zabala eta Laida Beristainen gidaritzapean koordinatu da, Mendizabala LHIIko José Miguel Heredia eta Leire Fernandez irakasleekin elkarlanean.
Ekimen honek bi ikastetxeen arteko lankidetza sendotzen du, eta irudiaren, diseinuaren eta sormen bisualaren inguruko diziplinen arteko elkarrizketa eta trukea sustatzeko bide berriak irekitzen ditu.