Akatsen bidez ikasten, sortzen jarraitzeko. Egun batez, IDarteko Glassrooma perspektiba berriez bete da Filip Claesen bisitari esker, Belgikako Thomas More University unibertsitateko irakaslea.
“Failing” izenburupean, Barne Diseinuko 1. eta 2. mailako ikasleek akatsei buruzko hausnarketa partekatu zuten irakaslearekin batera. Saioan zehar, ideia nagusi bat landu zuten: akatsak ez direla porrota, baizik eta diseinuaren bidean ezinbesteko urratsak, ikasteko eta hobetzeko aukera ematen dutenak.
Mota honetako topaketek diseinua beste begirada batetik ulertzen laguntzen diete ikasleei: prozesua emaitza bezain garrantzitsua dela, eta hutsegiteek ere balio handia dutela sormen-lanean.
Esperientzia hau Erasmus+ programari esker izan da posible, nazioarteko irakasleak eta ikuspegiak gure eskolara hurbiltzen baititu, ikasleek mugitu beharrik izan gabe. Eskerrik asko, Filip, huts egitea ikasteko beste modu bat dela gogorarazteagatik.