IDarteko Partaideak, Maddalen Agirre Loinaz irakaslea; Eneko Arozena, Natalia Ruiz, Amaia Rioboo, Nagore Arteaga, Maider Gorospe, Olatz Armentia, Uxue Pérez de Goldarazena eta Mikel Echevarría ikasleekin batera, nazioarteko Blended Intensive Programme (BIP) batean parte hartu dute, Portoko ESMAD eta Florentzia eta Bresciako LABA eskolekin elkarlanean, Ana Areias artista mentorearekin batera.(https://anatypestype.com/)
Zer da BIP?
BIP (Blended Intensive Programme) Erasmus+ barruko mugikortasun formatua da, online lankidetza eta nazioarteko tailer presentzial laburrak uztartzen dituena.
Zertan datza bere balioa?
• Nazioarteko esperientzia trinko eta laburrak eskaintzen ditu
• Diziplina eta kultura desberdinetako ikasleekin elkarlana sustatzen du
• Ikaskuntza praktiko eta esperimentala bultzatzen du
• Diseinuaren bidez ikuspegi globalagoa garatzen laguntzen du
Gainera, mugikortasun laburrak egiteko aukera aberasgarria da, bai maila akademikoan bai pertsonalean.
ERRONKA NAGUSIA
Identitate Bisual Malgua: esanahi kulturalerako eredu grafikoak
Identitate bisual malguak aztertzea eredu grafikoen bidez (formak, lerroak, datu bisualak…), eta horien bidez kultura, memoria eta esanahi partekatuak eraikitzea.
Prozesua
Ikasleek jatorri kulturalarekin lotutako ereduak ikertzen dituzte lehenik online fasean, eta ondoren taldeak berrantolatu eta lan presentzialean elkarlanean aritzen dira.
Azken emaitza
Eredu-identitateak kometa bihurtzen dira, berrerabilitako materialekin sortuak eta ikuspegi jasangarri batetik garatuak, Portugal iparraldeko ehungintza eta plastiko industriarekin lotuta.
Metodoa
Ikaskuntza interaktiboa, proiektuan oinarritua, tailer praktiko eta esperimentazioarekin.
Datak
20 orduko fase birtuala lankidetza eta ikerketa lana 2026/04/07 – 2026/04/11 (fase presentziala) ESMAD@PORTOn