Kategoria: Erakusketak eta argitalpenak

Erronka bat planteatu zitzaigun Gasteizko IDarte Arte eta Goi mailako Diseinu eskolako Barne Diseinuko ikasleoi, Bilbao Bizkaia Design Week 2021-aren baitan. Erronka horren eta proiektuaren lekuko izango da Bilboko San Pio X.aren plazako tunela.

Emaitza gisa, astebeterako planteatutako esku-hartzearen bultzatzaileak Eire Vila, Nerea Sanz, Amaia Pidal, Andrea del Hoyo eta Jakue Arruabarrena gara. Proiektu honen Diseinu Grafikoaren arduradunak izan dira Asier Rodriguez eta Iraia Mendez.

Zer sentitzen du emakume gazte batek tunel batetik igarotzean? Eta emakume heldu batek? Zer sortarazten dio gizon bati lur azpiko pasabide bat zeharkatzeak?

Galdera horien erantzunak anitzak izan zitezkeen, baina ez da horrela. Tuneletik pasatzen den edonork nabaritzen du haren izaera; desatsegina, iluna, beldurgarria, irisgarritasun baldintzak betetzen ez dituena, etab.

Kolektibo askok hiriguneetako puntu beltz hauetan bizi dutena sentitzera behartu nahi ditugu tuneleko erabiltzaile guztiak astebetez.

Esperientzia hori biziarazteko, oztopoak izango diren gomak gehitu ditugu tunelean, honela, erabiltzaileak tunela modu deserosoago batean igarotzera behartuko ditugu.

Gomaren propietate fisikoek materialaren eta erabiltzaileen arteko elkar-eraginak ahalbidetzen ditu, hartu eta eman, eman eta hartu. Esperientzian parte hartzen ari denak gomak tenkatzen dituen bakoitzean gomaren erantzun bat ere jasoko du, elkarrekintza bat beharrezkoa izango da beraz.

IOKI umeentzako jolas tradizional baten izena da, goma elastikoen gainean jauzi erritmikoak egitean datzana. “Jolas” baten gisara aurkeztu nahi diogu publikoari, eta horretatik haratago, hausnarketarako espazio bat ireki nahi diogu. Erabiltzaileen bizitzak, nahiak, eta beharrak erdigunean jartzeko aldarrikapen bat egin nahi dugu. Bizitzak, nahiak, eta beharrak erdigunera.

#IOKI, hausnarketarako plaza izan dadila.

Eskerrak

Eskerrik asko baita ere proiektua aurrera eramaten lagundu diguten IDarteko irakasleei eta zuzendaritzako kideei.

Babesleak

From the IDarte, Escuela de Arte y Superior de Diseño de Euskadi, we have an exhibition proposal for Bilbao Bizkaia Design Week 2021. It involves a project developed in the Projects II class by our second-year Graphic Design degree students, taught by Professor Lourdes Domínguez Merino.

The Projects II class involves the integration of the subject of equality into several didactic units linked to editorial design.

It should be noted that although this project is individual, many decisions have been taken as a group. The students decided and reached a consensus as a team on the final publication format, binding type, printing finishes, and common graphic elements for posters and publications, etc. They also requested quotations for their production, which they coordinated, compiled and supplied files for printing and web publication.

Web: https://ainhoasarda.wixsite.com/my-site

Erakusketa hau IDarte, Euskadiko Arte eta Goi Mailako Diseinu Eskolako ikasleak protagonista dituen erronka batean oinarritzen da, eta ikasleen begiradaren bidez, hiri-paisaia modu antropizatuan errepasatzen du.

Arreta berezia jarriz inguruneak hartu berri dituen aldaketei. Frantzian edo Bilbon 90eko hamarkadan egin zuten bezala, erakusketa honen erronka eta sortutako lana artxibo bisual bat egitea da

Oihane Ruiz Menéndez, Bilbon 1974an jaioa, 2004an EHUko arkitektoa. Hirigintzari eta teoria feministari buruzko prestakuntza du. Hiria Kolektiboaren sortzailea (2002/2012). Bertan, Hirigintza + Partaidetza + Genero-ikuspegia (hiri debekatuaren mapak, prestakuntzak, tailerrak, diagnostikoak, etab.) landu zuen.

Pripublikarrak (2005/2008) erakundearen sortzailea. Arte/aktibismo feministaren arloan proiektuak garatu zituzten.

2009az geroztik, Bilboko SF38 arkitektura estudioko kidea da, eta bertan egin zuten Mariaren Bihotza Plazako proiektua eta obra.

Dunak estudioa s.l, 2014ren sortzailea. Bertan, hirigintzan, plangintzan, udal-aholkularitzan eta hiri- eta lurralde-azterketan lan egiten dute, bizitzaren iraunkortasuna oinarri hartuta.

2012tik 2016ra Bizkaiko Larrabetzuko udal-arkitektoa da..

2016tik Madrilen bizi eta lan egiten du. Bi urtez lan egin zuen Madrid Destino enpresan, Madrilgo Udaleko enpresan, Casa de Campoko Ferialekua birgaitzeko arduradun gisa.

2018az geroztik, SILVESTRINA kooperatiban lan egiten du, hiri- eta lurralde-gaiak ikertzeko. Bertan, bio-material berriekin eta horiek mugikortasun jasangarriarekin lotutako produktuetan edo hirigintza erresilienteko ereduetan aplikatzearekin lotutako proiektuak garatzen ditu.

Hiriko eztabaida-foro askotan parte hartu du, eta ONUhabitaten Genero Hub-ekoa da.