Talk-A variable typeface proiektu esperimentala by Mikel Tristan

Posted in Diseinu Grafikoko Goi Mailako Ikasketak

Talk-A variable typeface proiektu esperimental bat da eta, estilistikoki kontrakoak diren, bi eraikinen arteko elkarrizketa letra-tipo aldakor baten bitartez islatzea du helburu.

Letra-iturria Vitoria-Gasteizen kokatua dagoen IDarte Arte eta Goimailako Diseinu Eskolaren arkitekturan dago oinarritua; hau osatzen duten eraikin neogotikoaren eta eraikuntza berriaren elkar eragitean hain zuzen ere.

Eraikuntza berriaren eta antzinako eraikinaren arteko elkarrizketa baten gisara aurkezten dute Roberto Ercilla eta Miguel Ángel Campo arkitektoek 2007 urtean osatutako berriztatze lana.

Korridore-eraikina, edo eraikuntza berria, komentuaren inguruan bihurka ibiltzen da gainetik altxatu eta klaustroan sartzen den arte. Irudi formal garbia eta, aldi berean, xumea eta ezagutzen erraza den ikono bat bezala dago sortua, eraikin zaharraren kontrapuntu izatea helburu duena.

Bi eraikuntzek irakurketa desberdina duten arren, elkarri aurre egiten diote lehia formalik egon gabe eta bien arteko elkarbizitza bi muturrak lotzen dituen letra-tipo aldakor batekin islatu nahi izan da.

Bi eraikinek sendotasuna trasmititzen dutela, baina hau aurkako ezaugarrien bitartez egiten dutela ikusita, tipo bakoitzarentzako proportzio ezberdinak erabaki dira, lotura gisa “x Altuera” utzita.

Grotesk izendatutakoak eraikin berrian errepikatzen diren laukizuzen formako bloke horizontaletan du oinarria eta Serif-ak komentu neogotikoaren bertikaltasun eta kontrastean. Talk-A Groteskaren letren proportzioak eraikin berriaren leihoetan ikusi daitekeen “N” letratik abiatu dira eta Talk-A Serifaren oinak aldiz, komentuan errepikatzen diren arku zorrotzetatik.

Proiektu tipografikoa aurkezteko 3 blokeko espezimen fisiko bat garatu da: inspirazioa den eraikinaren argazki liburuxka; letra-iturria aurkezteko bigarren liburuxka bat; eta erditik tolestutako A3 tamainako, paper begetalezko, 8 poster.

Proiektua esperimentala izanik, letra-iturria oraindik ez dago ehuneko ehunean erabilgarri eta, horrezkero, alfa bertsio edo prototipo baten gisara aurkezten da.

“Zer nolako ordenagailua behar dut Diseinua ikasteko?”

Posted in Ikasketa eta iritzi artikuluak

“Zein ordenagailu behar dut Diseinu grafikoa, Barnealdeen Diseinua, Animazioa, Ilustrazioa edo Argazkigintza ikasteko?”, hori da edozein ikaslek egiten duen galderarik ohikoena. Erantzuna hainbat faktoreren araberakoa izango da: erabili beharreko softwarea, ordenagailuaren amortizazioa eta eskuragarri dagoen aurrekontua.

Sormen-lanbideak (diseinu grafikoa, barnealdeen diseinua, animazioa, ilustrazioa, argazkigintza) berrikuntzaren abangoardian daude, eta, beraz, aurrerapen teknologikoen punta-puntan.

Horregatik, garrantzitsua da sorkuntzarako sektore profesionalean, presentzia handiena duten tresna teknologikoen erabileran prestatzea eta etorkizunerako aurrerapenei aurrea hartzen saiatzea.

Ildo horretan, sormen-lanbideetan erabiltzen den softwareak etengabeko eguneratzeak jasotzen ditu, gero eta ekipo indartsuagoak behar dituelarik.

Hori dela eta, kontuan izan behar duzu ekipo informatikoak “zaharkituta” geratzen direla 3-7 urteko epean, gutxi gorabehera.

Ekipoa erostea inbertsiotzat hartu behar duzu, eta potentziaren eta kostuaren arteko oreka lortzen saiatu. Diseinua ikasteko ekipo baten prezioa 800 €-2500 €-koa izan daiteke.

Tresna digitalak 2 taldetan bana ditzakegu: softwarea (programa informatikoak) eta hardwarea (ordenagailua eta ekipamendua).

Jarraian, egin beharreko ikasketa motei dagokienez ekipoa aukeratzen laguntzeko gomendio batzuk zerrendatu ditugu. Kontuan izan programa horiek ikasketen zehar erabiliko direla (4 urte edo 2 urte), agian itxaron dezakezu ekipo-inbertsioa egin aurretik eta dagoeneko duzun ordenagailu bat aprobetxatzen amaitu aurretik.

Diseinu Graduak

Barne Diseinuko Gradua

Hardwarea
  • Ordenagailu mota: Eramangarria
  • Sistema eragilea: Windows 10
  • Prozesadorea: Intel i5 8. – 10. belaunaldikoa edo AMD Rynzen 5 (Intel i7 8. – 10. belaunaldikoa edo AMD Rynzen 7 – 9 gomendatua)
  • RAM: 16 GB (32 GB gomendatzen dira)
  • T. Grafikoa: 8 GB VRAM GPUan, RTX. ( 16GB gomendatzen dira)
  • Disko gogorra: HDD 500GB (SSD gomendatua)
Softwarea

Diseinu Grafikoko Gradua

Hardwarea
  • Ordenagailu mota: Eramangarria
  • Sistema eragilea: Windows 10, OSX Big Sur
  • Prozesadorea: Intel i5 8. – 10. Belaunaldikoa edo AMD Rynzen 5 (Intel i7 8. – 10. belaunaldikoa edo AMD Rynzen 7 – 9 gomendatua)
  • RAM: 16 GB (32 GB gomendatzen dira)
  • T. Grafikoa: 8 GB VRAM GPUan, RTX. (16GB gomendatzen dira)
  • Disko gogorra: HDD 1TB (SSD gomendatua)
Softwarea

Goi Mailako Hezkuntza Zikloak

Animazioa

Hardwarea
  • Ordenagailu mota: Eramangarria
  • Sistema eragilea: Windows 10, OSX Big Sur
  • Prozesadorea: Intel i5 8. – 10. belaunaldikoa edo AMD Rynzen 5 (Intel i7 8. – 10. belaunaldikoa edo AMD Rynzen 7 – 9 gomendatua)
  • RAM: 8 GB (16 GB gomendatzen dira)
  • T. Grafikoa: 4 GB VRAM GPUan. (16 GB gomendatzen dira)
  • Disko Gogorra: HDD 500GB (SSD gomendatua)
Software

Argazkilaritza

Hardwarea
  • Ordenagailu mota: Eramangarria
  • Sistema eragilea: Windows 10, OSX Big Sur
  • Prozesadorea: Intel i5 8. – 10. belaunaldikoa edo AMD Rynzen 5 (Intel i7 8. – 10. belaunaldikoa edo AMD Rynzen 7 – 9 gomendatua)
  • RAM: 8 GB (16 GB gomendatzen dira)
  • T. Grafikoa: 4 GB VRAM GPUan. (16 GB gomendatzen dira)
  • Disko Gogorra: HDD 1TB (SSD 500GB gomendatua)
  • Kanpoko Disko Gogorra: HDD 1TB (SSD gomendatua)
Argazkigintzarako Ekipamendua:
  • Kamara: Reflex edo Mirrroless, Diafragma, obturazio-abiadura eta ISOa eskuz parametrizatzeko aukera, flash-zapata unibertsala, RAW fitxategiak sortzeko gai.
  • Memoria Txartela: SD 16GB. CLASE10, 170MB/s (32GB gomendatzen da)
  • Beste batzuk: Tripodea komigarria da.
Software

Ilustrazioa

Hardwarea
  • Ordenagailu mota: Eramangarria
  • Sistema eragilea: Windows 10, OSX Big Sur
  • Prozesadorea: Intel i5 8. – 10. belaunaldikoa edo AMD Rynzen 5 (Intel i7 8. – 10. belaunaldikoa edo AMD Rynzen 7 – 9 gomendatua)
  • RAM: 8 GB (16 GB gomendatzen dira)
  • T. Grafikoa: 4 GB VRAM GPUan. (16 GB gomendatzen dira)
  • Disco Duro: HDD 500GB (SSD gomendatua)
Software

Amelia Barquín “Genero ikuspuntua. Hausnarketa eta erronkak”

Posted in Hitzaldiak, jardunaldiak eta tailerrak
  • Data: Maiatzaren 6a
  • Ordua: 10.30
  • Lekua: Paraninfo de IDarte y en directo en nuestro canal de Youtube
  • Hizkuntza: Gazteleraz

Filologia Hispanikoan doktorea eta Hezkuntza Interkulturaleko irakaslea Mondragon Unibertsitateko Hezkuntza Zientzien Fakultatean.

Mondragon Unibertsitateko HUHEZI fakultateko (Humanitateen eta Hezkuntza Zientzien Fakultatea) ELEA taldearen koordinatzailea.

Taldearen ardatza herritartasunerako hezkuntza da, eta honako interes nagusi hauek ditu – Bai irakaskuntzan, bai ikerketan:

  • – Kultura-aniztasunaren tratamendu inklusiboa hezkuntza-sisteman
  • – Kulturarteko eta balioetan oinarritutako hezkuntza
  • – Herritartasunerako hezkuntza
Amelia Barquín

Jarraitu zuzeneko emanaldia

IDarte Euskadi Irratiko “Faktoria” saioa.

Posted in Erakusketak eta argitalpenak

Euskadi Irratiko Faktoria saioko lagunak izan ditugu bisitan IDarten. Ikasle zein irakasleok zizerone lanetan aritu ginen Ane Albisuri eta Xabi Gallastegiri gure eraikina erakusten, eta gure ikasketak azaltzen. Entzun audioa, eta partekatu tartetxo hau gurekin.

Gure gradu eta zikloetako ikasketei buruz informazio gehiago nahi baduzu, Ate Irekietako jardunaldietan parte hartzeko izena eman, edo online saioen grabaketa Youtube-ko kanalean ikusi.

IDaste 2021

IDaste Online 2021 Martxoaren 15tik 18ra

Posted in I D aste

Urtero bezala, IDarten astebete ematen dugu diseinuarekin zerikusia duten gaiak sustatu eta zabaltzeko, hizlari onenetako batzuk gonbidatuz eta “Workshop” onenak antolatuz.
Aurten, COVID-19 arauak baldintzatuta, formatu erdi-presentziala aukeratu dugu, presentzial zein zuzeneko ponentziekin, gure youtubeko kanalaren bidez.
Hizlariak hemen ikus ditzakezue:

Martxoaren 15an

10:00 – Eñaut Aiartzaguena

11:30 – Paul Urkijo

13:00 – Ales Landeta – Sirope

Martxoaren 16an

10:00 – Nerea Torrijos

11:30 – MANSHAUS

13:00 NEOLITH

Martxoaren 17an

11:00 – Koldo Gutiérrez

Martxoaren 18an

10:00 – Josu Izarra

11:30 – Carles Porta – ANIMAC

BIENAL DE ARQUITECTURA MUGAK 2019

MUGAK 2019 ARKITEKTURA BIENALA.

Posted in Hitzaldiak, jardunaldiak eta tailerrak

ESKOLEN ASTEA URRIAK 21-25

Diseinu grafikoko eta barne-diseinuko espezialitateetako 4. mailako ikasleek espazio publikoan esku hartzeko proiektu batean parte hartu dute elkarrekin, Mugak 2019 Arkitektura Bienaleko eskolen astearen barruan.

Asteko egitarauaren barruan, arkitektura eta diseinuko ikaslek hainbat artefaktu eraiki dituzte Urgulleko gotorlekuko zenbait puntutan, Donostian. Proposamen guztiak ikusgai egongo dira  azaroaren 30ra arte.

“LetterHolics Festival”, Ion Romero-k egina

Posted in Diseinu Grafikoko Goi Mailako Ikasketak, Galeria

Ion Romeroren Gradu amaierako lana

LetterHolics Festival” Kaligrafia, Lettering eta Tipografiaren fikziozko nazioarteko jaialdi bat da. Letrak ardatz hartuta, gure bizitzak egunero eraldatzen dituzten diziplina batzuen garrantzia transmititzeko leku ezin hobea izango da.

Proiektu honetarako Ionek, LetterHolics Festibalaren irudi korporatiboa sortu du bere aplikazioekin batera:

  1. Oinarrizko papergintza
  2. Kartelak eta Flyerrak
  3. Promozio Liburua
  4. Seinaletika
  5. Merchandising

I·D aste I·D arten

Posted in I D aste

Aurreko astean (Otsailak 11tik 15era) I·D aste izan zen gure eskolan. Workshop eta hitzaldiz betetako astea izan zen. Kanpoko eta bertako hizlariak etorri zitzaizkigun. Hauek izan ziren batzuk:

  • Miguel Sánchez Flexbox eta CSS Grid
  • Titty Thusberg Diseinu Jasangarria
  • Leire Baztarrika Moda argazkilaritza
  • Amaia Fontaneda Ilustrazioa
  • Beñat Fontaneda Ikusentzunezkoak
  • Sonia Estevez Stop Motion
  • Leo Poncia IKEA
  • Izaskun Urkijo Errementari Film-eko arte zuzendaritza
  • Alberto Uribarri Ikusmen egituratu ikaskuntza
  • Edorta Ramírez UX/UI
  • Kike Infame Ilustrazioa
  • Camila Rossi Grabatu tailerra
  • David Hornback Argazkilaritza
  • Rubén Chumilllas Diseinu Grafikoa eta Ilustrazioa