Ikasgela

Liburutegia

Euskadiko Arte eta Goi-mailako Diseinu Eskola Publikoa

Kategoria: Berriak EU

IDarteko ikasleen esku-hartzea Teodoro Dublangeko tunelean: Remember us

Barne Diseinuko Goi Mailako Ikasketak, Berriak EU, Diseinu Grafikoko Goi Mailako Ikasketak, Hitzaldiak, jardunaldiak eta tailerrak-n argitaratua
argitaratua egilea IDarte

Hirugarren urtez jarraian, IDarteko Diseinu Graduetako lehenengo mailako ikasleek gizartearen eraldaketa positiboa bultzatzeko xedearekin ekintza artistiko bat egin dute gure hiriko espazio publikoan. Oraingoan, Ariznabarra eta San Martin auzoak elkartzen dituen tunelean esku hartu dute, pareta zaharkituetan konposizio originalak eta koloretsuak margotuz. Ekimen honek Vitoria-Gasteizko Udalak eta gure eskolak hartutako konpromisoa burutzeko proposamenari erantzuten dio. Iaz, Zaramaga auzoko Amurrio kaleko parkean eraldatu genuen, hiri-eremuari dinamismo-ukitua emanez. Aurten, proiektuaren ardatza Teodoro Dublang pasealekuko tunela izan da eta gure helburua diseinuaren bidez espazioa hobetzea izan da, herritarrengan eragin positiboa izan dezan.

Barne Diseinuko eta Diseinu Grafiko ikasleak Bauhaus diseinu eskolaren printzipioetan murgildu dira konposizioa diseinatzeko. Oinarrizkoak diren forma eta koloreekin konposatzen trebatu dira, diseinu soil zein originalak sortuz. Bauhausen helburu nagusia arteen irakaskuntza erreformatzea zen, gizartearen eraldaketa lortzeko. IDartek bat egiten du eskola alemaniarraren ideiekin eta diseinua mundua eraldatzen duen zerbitzua dela sinesten dugu. Horrexegatik, esku artean izan dugun proiektuak herritarrengan eragin positiboa izatea bilatu du ere. Gure helburua, beraz, diseinuaren bidez espazio publikoak erabilgarriak izateaz gain, atseginak bihurtzea da, herritarren beharretara egokituz.

Horrexegatik, gaur gaurkoz, ezin beste aldera batera begiratu eta Palestina jasaten ari den genozidioaz ahaztu. Palestinar herriaren aldeko elkartasuna adierazi nahi dugu gure esku hartzearen bitartez, eta horretarako, modu sinbolikoan, konposizioan Palestinako banderako koloreetan oinarritu gara. Gainera, aukeratua izan den konposizioan, Palestinar herria irudikatzen duten hainbat sinbolo ageri dira, hala nola, olibondoa, giltza, sandia…

14 taldetan banatuta, 90 ikasle inguru, urrian hasi ziren kalean esku hartzeko proposamena diseinatzen. Tactical urbanism kontzeptuan oinarrituta, hainbat diseinu garatu zituzten tuneleko paretak eraldatzeko. Planteamendu kolektibo eta teorikoaren ondoren, eremu horretan artelana gauzatu dute aste betez.

Talde-lana aberasgarria izan da, emaitzan ez ezik, batez ere prozeduran. Gure ikasleek arrastoa utzi dute Ariznabarra eta San Martin batzen dituen pasabidean eta aste betez bertan lanean aritu diren bitartean, bizilagunen esker ona jaso dute.

Komunitate osoa gonbidatzen dugu pasabidea bisitatzera eta gure ikasleen talentua eta dedikazioa islatzen duen esku-hartze artistiko honetaz gozatzera. Horrelako proiektuek gure hiria edertzeaz gain, artearen eta komunitatearen arteko lotura indartzen dute.

I·D arteko Diseinu Grafikoko irakasle eta ikasleak Basquerville jaialdiaren 3. edizioan

Berriak EU, Diseinu Grafikoko Goi Mailako Ikasketak-n argitaratua
argitaratua egilea IDarte

Urriaren 9tik 11ra, I·D arteko Diseinu Grafikoko Graduko irakasle eta ikasleek aktiboki parte hartu zuten Basquerville jaialdiaren 3. edizioan, Diseinu eta Teknologiaren jaialdian, Gasteizen ospatu zenean. Urte gutxitan, ekitaldi hau Euskal Herriko erreferente nagusietako bat bihurtu da diseinuaren eta sormenaren arloan, eta topaleku garrantzitsu bat eskaintzen du profesionalen, enpresen, hezkuntza-erakundeen eta publiko sortzailearen artean.

Aurtengo edizioa IAK Antzokian egin zen, Gasteizko Alde Zaharrean bertan. Antzokiaren giroak, hurbiltasunak eta kokapenak espazio berezia sortu zuten, non ideia, esperientzia eta proiektu desberdinak gurutzatu ziren. Hiru egunetan zehar, hitzaldiak, mahai-inguruak, erakustaldiak eta tailerrak izan ziren, eta bertan jorratu ziren gai ugari: adimen artifiziala diseinuan aplikatzea, ekoizpen digitalaren iraunkortasuna edo nortasun bisualaren papera kultura garaikidean, besteak beste.

Gure eskolarentzat une berezietako bat izan zen Arrate García Ardanaz (I·D arteko ikasle ohia) parte hartu zuenean Harrobi izeneko ekitaldian. Programa honek gazte sortzaileei zuzendutako espazioa eskaintzen du, diseinatzaile berrien lanak erakusteko eta haien ibilbideak ikusgarri egiteko. Oso inspiratzailea izan zen gure ikasleentzat eta irakasleentzat, I·D arteko heziketak diseinuaren sektorean bide profesional sendo bat eraikitzeko oinarri izan daitekeela ikustea.

SPRIk, beste erakunde publiko eta pribatu batzuekin elkarlanean, antolatutako Basquerville jaialdiaren helburua da diseinua, teknologia eta enpresa-mundua elkarlanean jartzea, eta diseinua berrikuntzaren eta eraldaketa sozialaren motor gisa ulertzea. Edizio honek berriro ere azpimarratu du euskal diseinuaren potentziala eta tokiko eragileen, unibertsitateen, estudioen eta sormen-komunitateen arteko sareak sortzearen garrantzia.

I·D arteko irakasle-taldearentzat, Basquervillera joatea aukera paregabea da profesionalen errealitatearekin zuzenean konektatzeko eta etengabe eguneratzeko; ikasleentzat, berriz, esperientzia osagarri eta motibatzaile bat da, ikasgelan jasotako ezagutza osatzen duena.

I·D artetik pozik gaude halako ekimenetan parte hartzeaz, hezkuntzaren eta jardun profesionalaren arteko zubiak indartzen dituztenez, eta gure konpromisoa berresten dugulako: diseinuaren eta ikus-kultura garaikidearen orainean errotutako irakaskuntza ireki, kritiko eta parte-hartzailea sustatzea.

Irudikapen Sistemak: Diseinuaren Oinarrizko Hizkuntza

Barne Diseinuko Goi Mailako Ikasketak, Berriak EU-n argitaratua
argitaratua egilea IDarte

Diseinuaren unibertso zabalean —izan grafikoa, barne-diseinukoa edo ilustrazioarena— badago diziplina isil bezain funtsezko bat: irudikapen sistemak. Askotan oharkabean pasatzen den arren, hemen hasten da diseinuaren benetako pentsamendua.

Espazioa ulertzeko bidean, puntu txiki batek ere badu bere garrantzia: ez da marka huts bat, baizik eta gauzak eraikitzen hasten garen abiapuntua. Puntu horretatik jaiotzen dira lerro zuzena, planoa eta bolumena, eta horiek ez dira abstrakzio hutsak; objektuak ulertzeko erabiltzen ditugun lehen “hizkiak” dira. Oinarri geometriko horretatik abiatuta, eraldaketek—homoteziak, biraketak, antzekotasunak—aukera berriak irekitzen dizkigute diseinuan: proportzioa, eskala eta espazioaren antolaketa modu ulergarrian alda daitezke, eta horrek diseinuari koherentzia eta indarra ematen dio.

Eta hori guztia irudikatzeko erabiltzen ditugun, ikuspegi axonometrikoa, perspektiba edota proiekzio diedrikoak, gure ideiak modu argi eta ulerterrazean azaltzen laguntzen digun hizkuntza bisuala dira eta horrela diseinuaren logika eta komunikazioa lotzen dira, espazioa nola antolatzen den eta objektuen arteko harremanak nola funtzionatzen duten ikusi eta ulertzeko. 

Diseinuaren historian geometria eta irudikapen sistema ezberdinak funtsezkoak izan dira. Irudikatze-moduek ideiak eraikitzen dituzte eta horiek komunikatzeko erabiltzen baitira. Hori dela eta, irudikapen sistemak ez dira irakasgai bat gehiago: diseinuan pentsatzeko modu bat dira.

Horregatik, IDarten ikasleek irudikapen sistemak lantzen dituztenean, ez dute “marrazten ikasten” soilik. Prozesu hori askoz harago doa: espazioaren antolaketari eta objektuen erlazionatzeari begiratzeko modu bat eskaintzen die, pentsamendu zehatza antolatzeko tresna bat bihurtzen da, eta diseinu-lan ororen oinarrizko alfabetatzearen funtzioa betetzen du.

Ikasturte honen hasieran, Irudikapen Mintegiko hiru espezialitateek —Diseinu Grafikoa, Barne Diseinua eta Ilustrazioa—, bakoitzak bere hizkuntzatik, irudikapen ariketa bat landu dute.

Diseinu Grafikako  ikasleek “ukitzaileak” oinarri hartuta tipografia propioa garatu dute. Zirkunferentzia eta zuzenen arteko ukipenak, arku kapazak eta eraikuntza geometriko konplexuak aplikatuz, letra-sistemaren egitura sortu dute. Ez dira hizkiak soilik: arau geometrikoen arabera eratutako identitate bisualak dira. Prozesuaren gardentasuna —zentroak, ukitze-puntuak, laguntzaile-lerroren antolaketa— funtsezkoa izan da, tipografiaren egitura bera argi ulertzeko.

Egilea Xabier Ogueta

Barne Diseinuko lehen mailako ikasleek ariketa inspiragarri batean lan egin dute: Carlo Scarpak diseinatutako Olivettiren showroom-eko eskailera interpretatzea. Proiektu honek diseinu eta arkitekturako maisu baten lana aztertzeko aukera ematen du, teknika eta sormena beti batera joan behar direla erakusten duelarik. Era berean, irudikatzeko sistema motaren aukeraketak eta  irudikatutako lerro bakoitzak proiektuaren asmoari erantzuten dio, mezu bisualaren argitasun eta zehaztasunean zuzenean eraginez

Olivetti showroomeko eskailera
Egilea Markel Carnicer

Ilustrazioan, Kodax Duaflex kamera klasikoaren irudi isometrikoa teknikoki eraiki eta gero ilustratu dute. Teknikoa dena —lerro paraleloak, angeluetan oinarritutako proiekzioak, zirkunferentzien eraikuntza, bolumenaren koherentzia— sormenarekin uztartu dute, objektu bat nortasun propioz hornituz. Ariketa honek erakusten du nola ikuspegi teknikoa eta adierazpen artistikoa elkarri elikatzen diren.

Egilea Iratxe Arrilucea
Egilea Kattalin Etxebarria

Hiru diziplinetan egindako lanek erakusten dute irudikapen sistemak ez direla irakasgai isolatu bat, baizik eta diseinuaren diziplina guztien arteko elkarrizketa ahalbidetzen duen oinarrizko hizkuntza.

Etorkizuneko diseinatzaileentzat, irudikatzeko sistemak menperatzen ikastea komunikatzen ikastea da: ideiak argi adieraztea eta teknika emozio bisual bihurtzea, diseinua ezagutzeko eta sortzeko ate berriak irekitzen dituena.

IDarte eta José Uruñuela Dantza Kontserbatorioak dantzaeta argazkigintza uztartzen dituen proiektu bateanelkarlanean aritu dira

Argazkigintza Goi Mailako Zikloa, Berriak, Berriak EU-n argitaratua
argitaratua egilea IDarte

IDarteko (Euskadiko Goi Mailako Arte eta Diseinu Eskola Publikoa) argazkigintza zikloko bigarren mailako ikasleek, José Uruñuela Dantza Kontserbatorioko seigarren mailako ikasleekin batera garatu dute dantzaren irudia eta gorputzaren adierazpena aztertzen
dituen proiektu artistikoa.


Egitasmo hau bi, erakundeen arteko elkarlanaren hirugarren urtea izan da, eta esperientziak IDarteren eta Uruñuelaren arteko harremana sendotu du, ikasleen prestakuntza profesionala eta diziplinen arteko elkarlana bultzatuz. Ekimenaren helburua Kontserbatorioko dantza-ikasleei material grafiko profesionala eskaintzea izan da, book pertsonal bat osatuz dantza-konpainiei aurkezteko.


Argazki-saio hauek bi egunetan egin dira: lehen egunean, IDarteko platoan, argiztapenaren eta erretratuaren kontrol teknikoagoa lantzeko. Bigarren egunean, José Uruñuela Dantza Eskolako espazioetan, dantzaren mugimendua eta eszenako lana jasotzeko.


Ondorengo egunetan, argazkilaritzako ikasleek argazkien postprodukzioa eta bideoaren muntaiaren lana garatu dute. Azken emaitzak erretratu profesionalen serie bat eta “making of” estiloko bideo-pieza labur bat izan dira, prozesua eta elkarlanaren esperientzia laburbiltzen dituena. Bideoa hurrengo estekan ikus daiteke:

“Proiektu honek aukera eman die gure ikasleei enkargu profesional baten esperientzia errealean murgiltzeko, diziplinen arteko elkarlanaren eta komunikazioaren garrantziaz jabetuz,” azaldu du Laida Beristainek, IDarteko irakasle eta proiektuaren koordinatzaileak. Argazkiek dantzari bakoitzaren nortasuna, mugimendua eta adierazkortasuna islatzen dituzte, ikuspegi estetiko eta tekniko zaindu baten bidez. Kontserbatorioko irakasleen esanetan, “argazkilarien begirada artistikoak aukera eman die gure ikasleei beren irudia modu profesional eta sortzailean lantzeko, dantzaren espresibitatea mantenduz”.

Proiektua, IDarteko Laida Beristain, Amaia Garate eta David Zabala irakasleen gidaritzapean egin da Jone Carbajosa, Ane Matxikote, Lucia Flores eta Garoa Zubikarai ikasleekin batera. Jose Uruñuela kontserbatoriotik, Elvira Illana eta Arantzazu Susunaga Ana Carmen Ruiz, Alejandro Alcain, Aiala Razkin, Iradi Salazar, Eider Espina, Alain Campón, Lucia Da Costa eta Carla Pascual.
Ekimen honek IDarte eta José Uruñuela Dantza Kontserbatorioaren arteko harremana sendotu du, arte bisualen eta arte eszenikoen arteko elkarrizketa eta elkartrukea sustatzeko bide berriak irekiz.

BBDweek Bilbon 2025

IDarteko ikasleen parte-hartzea BBDWEEK-eko erronkan

Berriak, Berriak EU, Diseinu Grafikoko Goi Mailako Ikasketak, IDarte BBDW-n-n argitaratua
argitaratua egilea IDarte

IDarteko ikasle talde batek Bilbao Bizkaia Design Week (BBDWEEK) ekimeneko erronketako batean parte hartu du. Osasun sailak eta Bilboko Udalak bultzatutako proposamen honek lau erronka erreal planteatzen zituen, hiritarrei eskaintzen zaizkien zerbitzuak eta esperientziak hobetzearekin, baita osasunaren inguruko kontzientziazioa sustatzearekin lotuta daudenak.

Lantaldeak diziplina anitzekoak izan dira, diseinuaren eta berrikuntzaren arloko hainbat zentruetako ikasleek osatuak. Talde bakoitzari lau arazoetako bat esleitu zitzaien eta, hilabete batez, mentoretza saioen, taldeko dinamiken eta jarduera autonomoen bidez lan egin zuten proposamen bat garatzeko.

Helburua zen aurkezpen egunerako lau proposamen berritzaile eta bideragarri prestatzea, erronka bakoitzeko bana. Horretarako, parte-hartzaileek hainbat jarduera egin dituzte: landa-ikerketa, instalazioetan probak egitea, erabiltzaileei elkarrizketak egitea, kostuen estimazioa eta proiektu konplexuen denbora-planifikazioa, besteak beste.

Ikasleentzat esperientzia bereziki aberasgarria izan da: ikasitakoa praktikan jartzeko aukera izan dute, metodologia berriak ezagutu dituzte, beste diziplina batzuetatik ikasi dute eta benetako proiektu multidiziplinarren kudeaketa ezagutu dute. Azken batean, erronka honek euren prestakuntza profesionala sendotu eta diseinuaren aplikazio errealaren ikuspegia zabaldu du.

Hauek izan ziren Enia Susperregi, Ander Varas eta Lander Martinezek parte hartu zuten bi erronka:

Ander Varas (1.erronka)

Erronkan bihotz-geldialdien arazoa eta BCP teknikaren ikusgarritasun falta landu zuten. Haien ikerketak erakutsi zuen ezjakintasunaz gain, panikoa dela lekukoak paralizatzen dituena. Arazo horri erantzuteko Latidos Bilbao Taupadakkanpaina sortu zuten, bi konponbide uztartzen dituen estrategia bikoitza: SMS Flash, 112ko operadoreak lekukoaren mugikorrera zuzenean bidaltzen duen metronomo bisual eta entzungarria, konpresioen erritmoa markatzen eta hasierako blokeoa gainditzen laguntzen duena; eta TAUPA, bularrean jartzen den gailu fisikoa, konpresioen sakonera egokia (5–6 cm) lortzera gidatzen duena. Helburua herritarrak ahaldundu eta “egin gabeko suspertzea da okerrena” mezua indartzea da.

Enia Susperregi (4.erronka)

Gure taldearen proposamena Bilboko kalistenia-parkeen erabilera bultzatzea izan zen, batez ere emakume gazteen artean, espazio horietan nagusiki gizonezkoek osatutako publikoa nagusi delako. Horretarako, kanpaina baterako proposamen grafiko bat garatu genuen, aurreiritziak apurtzeko eta “parke hauek zuretzat ere badira” mezua indartzeko, kirol-praktika anitzago, inklusiboago eta irisgarriagoa sustatuz.

Zinebi IDarten

IDartek ZINEBI67ko Beautiful Docks atalerako kortinilla ofizialean parte hartu du

Animazio Goi Mailako Zikloa, Argazkigintza Goi Mailako Zikloa, Berriak, Berriak EU-n argitaratua
argitaratua egilea IDarte

ZINEBI67 Bilboko Dokumentalen eta Film Laburren Nazioarteko Jaialdiaren edizio honetan, azaroaren 21ean inauguratua, Euskadiko Arte eta Goi-mailako Diseinu Eskola Publikoa (IDarte) aktiboki parte hartzen du Beautiful Docks dokumental saileko gortina ofizialaren sorkuntzan.

Pedro Rivero gidoilari eta zuzendariak, ZINEBIko Animation Lab ZALeko arduradunak, proposatu du proiektua, eta Sonia Estevez animatzaile, zuzendari eta ekoizlea gonbidatu du piezaren buru izatera. Proiektua garatzeko, Estevezek IDarteko bigarren mailako Animazio Zikloaren laguntza izan du, ikasleak prestakuntza balio handiko prozesu profesional eta sortzaile batean inplikatuz.

Animazio-pieza dokumentuaren balioari eta denboraren joanari buruzko hausnarketa gisa ulertzen da. Lanaren etapa desberdinetan zehar, Estefanía Quilchano, Kamila Rodríguez eta Sofía Velasco ikasleek maketa artisau bat eraiki zuten, espazio inguratzaile bat, ikuslea ate landatar eta astun baten bidez bertara sartzera gonbidatzen duena, beste errealitate batzuetarako eta memoria partekaturako sarbidearen sinboloa.

Stop Motion teknika erabili da lana egiteko, eta, gainera, Pixilation baliabideak integratu dira. Stop Motionen teknika argazkiak hartuz objektuak animatzea da, fotogramaz fotograma – argazki-hartze bakoitzaren artean elementuak pixka bat mugituz –, eta Pixilation teknikak, berriz, benetako pertsonak erabiltzen ditu, mugimendu mailakatuaren edo mekanikoaren sentsazioa sortuz. Bi teknika horiek testura bizia eta mugimendu organikoa ematen diote obrari, keinu artistikoa eta denboraren aztarna gogora ekarriz.

IDarteko Argazki Zikloak ere parte hartu du proiektuan. Ane Machicote, Garoa Zubikaray, Lucía Flores eta Jone Carbajosa ikasleek eskuzabaltasunez laga zituzten beren argazki lanak, Gorka Salmeron artistaren irudi banku batekin batera. Horiek animaziorako oinarri bisual gisa erabili zituzten animazioko taldeak, gortinaren atmosfera eta sakontasuna aberastuz.

IDartek eskerrak eman nahi dizkie Estefania, Sofia eta Kamilari egindako lan handiagatik, dedikazioagatik eta sentsibilitate artistikoagatik, bai eta Sonia Estevezi ere, sorkuntza, ikaskuntza eta esperimentazio bisuala uztartzen dituen proiektu hau garatzeko eskolarekin lankidetzan aritzeagatik.

Ikasleak Bauhauseko historiari buruzko timeline bat aurkezten

Bauhaus ikuspuntutik abiatuta: Historia proiektua 1.mailako Diseinu erronkarako

Berriak, Berriak EU-n argitaratua
argitaratua egilea IDarte

Ikasturte honetan Diseinu Grafikoko eta Barne Diseinuko lehen mailako ikasleek garatuko duten erronkaren harira, Historiako mintegiak aurrekari moduko proiektu bat martxan jarri du. Aurtengo erronkak, Bauhaus eskolako oinarrizko kolore eta formak inspiraziotzat hartuz, kalean esku-hartze artistikoa gauzatzea du helburu, Palestinaren aldeko elkartasuna bezalako mezu politikoak bere baitan txertatuz. Hori dela eta, bi graduetako lehen mailan dagoen Arteen, Arkitekturaren eta Diseinuaren Historia eta Teoria irakasgaian, ikasturtearen lehen gai nagusian Bauhaus eskolaren garapena, ezaugarriak eta eragina aztertu dugu sakonki proiektu batekin. Jarduera ezinhobea izan da erronkaren markoaren barnean kokatu ahal izateko. Puzzle teknika aplikatuz, ikasleek eman beharreko azken emaitza Bauhauseko historiari buruzko timeline bat izan da, zeinaren prestaketan datu sintetizatuak, eskolaren protagonisten argazkiak eta tailerretatik ateratako produktu nagusienen irudiak erakutsi behar zituzten; hori guztia, “Bauhaus estiloa” bezala ezagutzen dugun ezaugarri horiek koloreetan, formetan edota tipografian islatuz. 

Puzzle teknika hau garatu ahal izateko, proiektua irakaslearen azalpen teoriko orokor batekin hasi zen, Bauhauseko historia modu laburrean azalduz eta irudiak erakutsiz. Ondoren, ikasle-taldeak egin ziren, 5 pertsonakoa bakoitza. Taldekide bakoitzari Bauhausaren historiako fase zehatz bati buruzko testu bat eman zitzaion, hurrengo egunerako irakurrita eta aztertuta izan behar zutena. Hurrengo urratsa adituen taldeak egitean zetzan, non beste talde batzuk sortuko ziren, taldekide guztiek testu berbera izango zutelarik. Honen helburua adostasun batera heltzea zen, baita taldekide guztiek edukiak guztiz barneratzea ere, laugarren urratsean jatorrizko taldeetako kideei haien zatiaren gaia modu ahalik eta eraginkorrenean kontatu ahal izateko. Azkenik, gaiak sakon aztertuta, informazio zehatz eta aberasgarria aurkeztuko zuen timelinean arituko ziren jatorrizko taldeetako ikasleak bi saiotan zehar. Amaieran, haien lana klasekide guztien aurrean aurkeztuko zuten.

Horrela, izaera praktikoagoa eta sortzaileagoa daukan erronkarekin hasi aurretik, ikasleek artearen, arkitekturaren eta diseinuaren historian hainbeste garrantzi izan duen Bauhaus eskola perspektiba historiko batetik aztertu dute. Eta, ondo dakigun bezala, horrelako prozesu kritikoak aurretiaz egitea funtsezkoa da haien praktikari zintzotasuna eta seriotasuna emateko eta, jakina, haien sormen-gaitasuna elikatzeko. Ah, eta kontuan izan! “Bauhaus estiloa”, guztiok ezagutzen ditugun oinarrizko forma eta koloreekin, ez zen konstante bat izan Bauhausean, baizik eta 1922 eta 1927 artean landu zen joera (eskolaren historiaren heren bat baino pixka bat gehiago hartzen zuen denbora); hori bai, nazioarteko eragina izan zuena eta gure kontzientzietan itsatsi dena.

Autonomoak eskolan

Diseinuaren munduko freelance: ikasleak norbere konturako langile bihurtzen dira

Berriak, Berriak EU, Hitzaldiak, jardunaldiak eta tailerrak-n argitaratua
argitaratua egilea IDarte

Autonomoei buruzko gaia hasi gara lantzen klasean, eta berehala pizten du ikasleen arreta. Badakite etorkizun hurbilean diseinuaren alorreko norbere konturako langileak izan daitezkeela, maila teorikoan lantzen ari garen nondik norako horiek guztiak beren egunerokoaren parte izan daitezkeela. Ezagutzen dute apur bat autonomoaren figura, badute hari buruzko pertzepzio moduko bat, baina ez dute inoiz gai horretan sakondu. Urrutitik bezala heltzen zaie, soinu itzali eta motel baten antzera. Hasteko eta behin, onartzen dute ez dakitela zeintzuk diren eman beharreko pausoak langile autonomo gisa alta emateko, baina ia denek aipatzen dituzte Ogasuna eta Gizarte Segurantza. Eman beharreko pausoak aztertzen ditugu gelan, zeintzuk diren autonomoen jarduna arautzen duten legeak, ze ezaugarri dituen langile mota horrek, ze eskubide eta betebehar, ze lan-babes… 

Horrela jakin dute langile autonomoak ez daudela Langileen Estatutuaren barruan, eta Langile Autonomoaren Estatutua zaiela aplikagarri. Horren harira, langile faltsuen auzia aztertu dugu, iruzurra nondik datorren ikusteko, halako kasuen aurrean zer egin eta nora jo jakiteko. Freelance diseinatzailea erabili dugu adibide gisa. Ze abantaila eta ze eragozpen dituen era horretako langilea izateak. Badakite, esaterako, abantailak ez direla gutxi: edozein lekutatik lan egin dezaketela, ondo antolatuz gero denbora libre gehiago izango dutela, ordutegi malgua izango dutela, bezero-zorro propioa eskura dezaketela… Era berean, jabetuta daude abantaila horiek desabantaila bihur daitezkeela behar bezala kudeatzen ez badituzte. Adibidez, ordutegi-malgutasuna aho biko arma izan daiteke, bai eta euren aurka bihurtu ere, lana azken unerako uzten badute eta dena kolpean pilatzen bazaie. Badakite, halaber, antolaketa eta diziplina handia eskatzen duela freenlance autonomo gisa lan egiteak, etxetik aritu ezkero, distrakzio ugari egon daitezkeela (mugikorra, sukaldera bisita gehiegi egitea…), sozializazio urria arazo bihur daitekeela, diru-sarreren ezegonkortasunaren mamua ate-joka etor daitekeela uste baino gehiagotan, bakardadea eta isolamendua gainditu beharreko hesi bihur daitezkeela… 

Horretaz guztiaz ohartu ostean, pauso bat harago eman dugu, eta ikasleak freelance diseinatzaile bihurtu dira egun batez. Beren negozioa eta logoa asmatu dituzte, ze zerbitzu mota eskainiko duten, eta, horren arabera, zeintzuk izan daitezkeen euren bezero potentzialak. Alegiazko aurrekontu bat ere proposatu dute, inbertsioaren eta onuraren zenbateko posiblea kalkulatzeko. Bestela esanda, norbere konturako diseinatzaile bihurtu dira bat- batean, eta benetako egoera baten aurrean izan ditzaketen erronkak eta indarguneak aztertu dituzte. Aurrekontuekin eta fakturekin ere hasi gara ondoren, bien arteko antzekotasunak eta ezberdintasunak aztertzen. Azken batean, lanaren alde kreatiboarekin batera, lan horri dagozkion kudeaketaren gakoez jabetzea ere komeni zaie, ezagutza eta prestaketa osoagoa izateko. Etorkizunean nondik jo erabaki behar dutenean, gauzak argiago izateko eta lanaren koska guztiekin trebatuta egoteko.

Barne Diseinuko Ikasketa Amaierako Lanaren esperientzien jardunaldia

Barne Diseinuko Goi Mailako Ikasketak, Berriak EU, Hitzaldiak, jardunaldiak eta tailerrak-n argitaratua
argitaratua egilea IDarte

Joan den urriaren 10ean, jardunaldi berezi bat ospatu genuen IDarten: barne-diseinuko Ikasketen Amaierako Lanaren (IAL) esperientziak partekatzeko topaketa. Ekimenaren ideia ikasle ohi baten eskutik sortu zen, eta belaunaldi ezberdinetako ikasleak elkartu zituen ikaskuntza eta elkarrizketarako espazio batean.

Goiz osoan zehar, aurreko ikasturteko hiru ikasle ohi, Julia García Jorrillo, Maitane Monasterio Rodríguez eta Jone Jarit Irizar, IDartera itzuli ziren beraien IAL prozesua nola bizi izan zuten lehen eskutik azaltzera: ikerketaren eta kontzeptualizazioaren lehen urratsetatik hasi eta epaimahaiko aurkezpenera arte.

Aurkezpenek interesa piztu zuten hirugarren eta laugarren mailako ikasleen artean. Galderak egin eta beren kezka akademikoak partekatzeko aukera izan zuten, orain dela gutxi etapa hori amaitu dutenen esperientziarekin kontrastatuz. Laugarren mailakoentzat jardunaldiak ikuspegi errealista eta motibatzailea eskaini zuen; hirugarren mailakoentzat, berriz, hurrengo ikasturtera begira hausnartzen hasteko aukera bikaina izan zen.

Atsedenaldian, kafe-gune bat prestatu zen, giro informalago batean topagune bilakatu zena. Une hori izan zen eguneko momenturik aberasgarrienetako bat: giro lasai batean, ikasleek galderak egiteko eta beren zalantzak partekatzeko aukera izan zuten, modu naturalean. Aldi berean, kafe-gunean aurreko ikasturteko lanen hautaketa bat jarri zen ikusgai, ikasleek adibide zehatzak ikusi eta IAL lan batek har ditzakeen ikuspegi eta metodologia ezberdinak ezagutzeko.

Topaketa honek argi erakutsi zuen esperientziak partekatzea dela ikasteko eta etorkizuneko barne-diseinatzaile belaunaldiei inspirazioa emateko modurik onena. Esperientzia oso aberasgarria izan zen bai hizlarientzat, bai entzule gisa parte hartu zuten ikasleentzat ere. Jardunaldiak komunitatearen eta elkarlanaren ideia indartu zuen, ezagutza partekatzeko eta esperientziaren bidez ikasteko gune bat sortuz.

Erasmus Idarte 2024-25

Ikasleen erasmuseko testigantzak 2024-2025 urtean zehar

Berriak, Berriak EU, Erasmus-n argitaratua
argitaratua egilea IDarte

Urtero gogorarazten digu ikasteak mugitzea ere badela. Iaz, gure ikasleek Erasmus+ bidez muga asko zeharkatu zituzten eta, pasaportea zigilatuta ekartzeaz gain, ideia berriak, ikuspegi zabalagoak eta gaur hemen partekatzen dituzten istorioak ekarri zituzten.

«Irse de Erasmus ha sido, sin duda, una de las mejores decisiones que he tomado.

Mi experiencia estudiando un año entero en Polonia ha sido increíble. La universidad de destino nos acogió estupendamente y he aprendido mucho en las clases, incluso ahora soy capaz de decir un par de frases en polaco.

He podido viajar, conocer gente nueva y, sin duda alguna, he mejorado mi inglés (para quienes le temen al idioma).

Por eso, recomiendo plenamente a los estudiantes que no dejen pasar esta oportunidad y participen en el programa Erasmus. Estoy seguro de que no se van a arrepentir.

Quiero agradecer a IDarte por hacerlo posible y, además, destacar que gracias a esta movilidad Erasmus hoy puedo aportar mi experiencia ayudando como buddy a otros estudiantes que llegan, del mismo modo que me ayudaron a mí en Polonia».

Ander Varas, estudiante de Diseño Gráfico. Erasmus en Gdansk, Polonia.

«June eta biok Lisboan egon ginen ikasturte osoa, eta nahiz eta unibertsitatean egin genituen lanak ez izan oso interesgarriak, esperientzia super ona izan zen.

Jende berria ezagutzeko eta kultura ezberdin batekin harremanetan jartzeko aukera izan genuen. Bukaeran ikasturte osoa labur geratu zitzaigun».

Mikel García-Ardanaz eta June Solatxi, Diseinu Grafikoko ikasleak. Erasmus Lisboan

«Yo estuve el segundo cuatrimestre en Burdeos. Las clases allí eran muy distintas, estaban más enfocadas a la ilustración y tenían clases conjuntas con todos los cursos. Además algo que me pareció muy interesante es que una vez al mes llevaban a alguien que les daba una charla sobre diseño o lo que correspondiera durante el horario lectivo. Estuve muy agusto, conocí a gente de distintas partes del mundo y aprendí bastante sobre su forma de trabajar, además de repasar mucho francés».

Inés Saiz, estudiante de Diseño Gráfico. Erasmus en Burdeos, Francia.

«Kaixo! Me llamo Leire, estudio Diseño Gráfico, y mi destino de Erasmus fue Oporto, Portugal.
Honestamente, considero que mi experiencia fue bastante neutra; no fue algo que me encantó pero tampoco fue horrible.
Al principio muchos alumnos tuvimos ciertas dificultades a la hora de encajar nuestros horarios, y cuando por fin conseguimos, nos encontrábamos con algún problema en cuestión a los créditos. Esta fue sin duda la parte más tensa de todo el proceso.
En cuanto a las clases, siento que no aprendí mucho pero me dio oportunidad para mejorar algunas áreas del diseño que ya había trabajado en IDarte. Tenía pocas clases, aunque eran largas —podían durar hasta cuatro horas—, pero luego tenía el resto del día
libre lo que me permitía pasear y conocer la ciudad.
Tuve bastante suerte de coincidir con gente de varios lugares como de Países Bajos, Polonia, Inglaterra, así como partes de España —gente de Valencia, Madrid, Logroño, Galicia, etc.
En conclusión, creo que la parte académica podría haber sido mejor, pero, Oporto hizo que el programa valiera bastante la pena. Considero que es una ciudad bastante viva y acogedora, que tiene muchas cosas para hacer, y para mí era más importante la oportunidad de conocer a nuevas personas y poder aprender un poco más de la cultura».

Leire German, estudiante de Diseño Gráfico. Erasmus en Oporto, Portugal.

« Kaixo! Soy Maider Pérez, estudio Diseño Gráfico y el curso pasado tuve la oportunidad de realizar mi Erasmus en Gdansk (Polonia).
Ha sido una experiencia increíble que me ha encantado de principio a fin. Pasé el año completo allí, estudiando en la Academia de Bellas Artes, y puedo decir que he aprendido muchísimo.
En cuanto a las clases, los profesores tenían un nivel muy alto y la oferta académica era bastante variada. Me enfoqué sobre todo en asignaturas más manuales, como serigrafía o ilustración, aunque
también cursé otras más orientadas al diseño gráfico.
Respecto a la ciudad, Gdansk es preciosa —y Polonia en general también—. Es una ciudad pequeña,
pero con muchas cosas por hacer. Eso sí, hay que estar preparado para el invierno, porque el frío empieza en octubre y se alarga hasta abril o mayo, ¡jajaja! Viajar por el país resulta muy cómodo: los trenes funcionan muy bien y hay muchas conexiones aéreas
con otros países. Además, los estudiantes tienen descuentos del 50% en el transporte, lo que facilita mucho moverse.
Si tuviera que mencionar algún aspecto negativo, diría que la gente local no siempre es muy amigable;
tuve algunas malas experiencias en tiendas, aunque nada grave. También cuesta acostumbrarse a que en invierno anochece a las tres de la tarde, lo cual puede desanimar un poco… pero todo depende de la actitud con la que se viva la experiencia.
Aun así, recomiendo al 100% la experiencia. No solo por lo que se aprende a nivel académico, sino también por todo lo que aporta personalmente.
Y si vais, no podéis dejar de tomar una cerveza en el Café Szafa, un bar llevado por Maya, una de las personas más majas que he conocido, no solo en Polonia sino en mi vida. Ah, y por supuesto, tenéis que probar los pierogi en el restaurante Mandu —¡un clásico polaco que no
decepciona!».

Maider Pérez, estudiante de Diseño Gráfico. Erasmus en Gdansk, Polonia.
Sprint Errónea plan estratégikoa

Sprint Erronka: ikasleen energiaz eta sormenaz IDarte berria eraikitzen hasi gara

Berriak, Berriak EU-n argitaratua
argitaratua egilea IDarte

Amaitu dugu Sprint Erronka, eta berriro erakutsi du gure ikasleen energia eta sormena mugagabeak direla. Ikasleen inplikazioa eredugarria izan da: talde lana, giro aparta eta baikortasuna nagusi izan dira egun hauetan.

Erronkaren funtsa ez da bakarrik diziplinarteko elkarlanean eta design thinking metodologiaren aplikazioan egon. Aurten, batez ere, IDarte hastera doan estrategia prozesuari aurpegia jartzea izan da helburua: haren irudia, claima eta komunikaziorako txokoa definituz, alegia. Horregatik, Sprint Erronka hau abiapuntutzat har daiteke ametsetako IDarte hori eraikitzeko bidean.

Ikasleek transdisziplinaritatearen indarra baliatu dute erronka honi heltzeko: ikuspegi eta gaitasun ezberdinak uztartuz, ideiak elkarrekin landuz eta emaitza berritzaileak eskainiz. Erritmo bizia izan dugu, baina giro ona eta bibra positiboak nagusi izan dira, sasoia eta ilusioa lagun.

Gainera, bidean hobetzeko apunteak jaso ditugu, eta ikasle zein irakasleen kezkak entzuteko aukera izan dugu. Horri esker, datorren urteko esperientzia are aberasgarriagoa izango da. Sprint Erronka honek gogorarazten digu ikaskuntza ez dela soilik eduki akademikoetan geratzen: talde lana, komunikazioa eta sormen kolektiboa dira gure benetako indarguneak.

Sprint Erronka 2025: ametsetako IDarte Eskola

Eskerrik asko bihotzez antolakuntza lanetan aritu diren irakasle eta IDarteko langile guztiei, eta, nola ez, ikasleei: zuen ilusio eta indarrari esker, abiapuntua jarri dugu elkarrekin amesten dugun IDarte berri horri.

Aura proyecto 2015

Aura: Diseinu digitala emakumeen osasunerako

Berriak EU, Diseinu Grafikoko Goi Mailako Ikasketak, Erakusketak eta argitalpenak-n argitaratua
argitaratua egilea IDarte

Nola lagun dezake diseinu digitalak emakumeen ongizatean?


2.lauhilekoan, IDarteko Diseinu Grafikoko 3. mailako ikasleek Aura errónea egin dute: emakumeen osasun hormonalaren hobekuntzan lagunduko duten irtenbide digital berritzaileak garatuz. Lehenengo hilekoetatik menopausiara arte, ikasleen talde bakoitzak benetako arazoak identifikatu eta erabiltzailearengan oinarritutako aplikazioak diseinatu ditu.

Erronka hau  Baliabide Informatikoak VI eta Erabiltzailearen Esperientzia (UX) ikasgaietatik landu da, gaitasun teknikoak, metodologia aktiboak eta ikuspegi etikoa uztartuz. ChubbyApps enpresaren tutoretzarekin, proiektuak profesionaltasunez eta konpromiso sozialarekin garatu dira, Challenge-Based Learning (ChBL) metodologia jarraituz.

Zer eskaintzen dute proiektu hauek?

  • Osasun-metrika objektiboak: bihotz-maiztasuna, loaren kalitatea, gorputz-tenperatura…
  • Erabiltzaile-profil anitzak:
    • · Hilekoa duten nerabeak
    • · Obario polikistiko sindromea (SOP) edo endometriosia duten emakumeak
    • · Hilekoarekin kirola egiten dutenak
    • · Min mentruala arintzea edo prebenitzea bilatzen dutenak

GJHekin lotura:

  • GJH 3 – Osasuna eta ongizatea
  • GJH 5 – Genero berdintasuna

Taldeak eta partaideak

TalfeakPartaideak
AlayAinara Azcarate, Larraitz Lopetegui, Yun Olazabal, Amets Otegui
AupaUxue Bageneta, Nora Diez, Aitor Gorospe, Irati Senosiain
DescohesionadosXing Yi Lin, Lander Martínez, Carla Treviño, Maitena Vanti
Globo 4Yeray Arrojo, Sara Domínguez, Leire Germán, Juan Miguel Ventura
PentaMaialen Agirre, Jokin Ahedo, Lorena Mariñelarena, Garoa Rojí, Enia Susperregui
TemporalItxaso Álvarez, Narea Arizti, Laura Cancho, Magdalena Gay Pobes

Aplikazioen prototipoak

Presentaciones de los proyectos

Aupa Taldea: Uxue Bageneta, Nora Diez,  Aitor Gorospe y Irati Senosiain
Penta Taldea: Maialen Agirre, Jokin Ahedo, Lorena Mariñelarena, Garoa Rojí y Enia Susperregui
Grupo Descohesionados: Xing Yi Lin, Lander Martinez, Carla Treviño y Maitena Vanti
Grupo Globo4: Yeray Arrojo, Sara Dominguez, Leire German y Juan Miguel Ventura
Grupo Temporal: Itxaso Alvarez, Narea Arizti, Laura Cancho y Magdalena Gay Pobes


Ariketa akademiko bat baino gehiago

Aura proiektuak erakusten du diseinuak gizartean eragin positiboa, etikoa eta erreala izan dezakeela. IDarten diseinua ikastea mundua ezagutzetik eraldatzea da: zaintzen duen eta arrastoa uzten duen berrikuntza.

Eskerrik asko ikasleei euren ahalegin, sormen eta sentikortasunagatik. Eta eskerrik beroenak ChubbyApps-eko Patricia eta Asier-i, haien laguntzarik gabe ez zen posible izango.

IDarte logo
Powered by  GDPR Cookie Compliance
Pribatasun laburpena

Webgune honek cookie-ak erabiltzen ditu ahalik eta erabiltzaile-esperientzia onena eskaintzeko. Cookie-ei buruzko informazioa zure nabigatzailean gordetzen da, eta zenbait funtzio betetzen ditu, hala nola gure webgunera itzultzen zarenean zu ezagutzea edo gure web guneko zein atal interesgarri eta erabilgarri aurkitzen dituzun gure taldeari ulertzen lagundu.